JUARA PIALA MALAYSIA 2011!!!

29.10.2011 menentukan pemilik Piala Malaysia 2011. Masih menjadi teka teki kepada semua penduduk bumi..

Pemandangan di Stadium Shah Alam pada waktu petang sebelum perlawanan bermula..

Sebagai tanda menyokong noghi, den dan adik den pakai logo ni ha. Nampak tak tag line ea. 'Team Anak Mudo Sayang Noghi'. Ha, memang cantik kan.. Ekau ado? Tak do an.. Heheh. Gurau yo, jangan maghah!

Biar pun team ponyu dah mendahului dengan 1-0. Namun, kito x patah semangat do. Terus berusaha sehingga ke akhir masa. Gambar nieyhaaa menunjuk an betapo kosal ea penjago gol ponyu ateh kosilapan ea.
Mahap la yo, tak dapek nak nolong ea do, dah den koba an nismilan memang handaa. :)

Setolah, pueh ruso berusho. Dah tibo maso ea, ponyu kecundang toghuk. Ruso menewas an dengan mato 2-1. Mokasih lah kek Kunalan samo Hai-O, sobab dah buek Nismilan sonyum lebar. Biarpun maso awal-awal ea agak susah nak dapek an 1 gol. Nasib dah menyobolahi kito kan. Nak buek camno. Ponyu jangan nagih, taun dopan ado laei.

Haa! Korang nampak tak sapo tu? Tu la Tok Mat montoghi kito, yang banyak boghi somangat. Lebar sonyum Tok Mat, mano tak ea  dah monangkan. Biarpun padang Shah Alam berpanau, tompi kito totap handaaa! Walaupun den x poie Stadium, den totap menyokong daghi ghumah. Kalau ikut an, den ni tak la minat bola, tompi sobab noghi den la, den somangat tak habih. Den pedulik apo oghang nak kato, den x kacau koghang pun. Asal an den bahgio cukop la an. Hahaha.. Hidup HOBIN JANG HOBIN! kau ado??? :)